Ratsjá

Núna eru aðeins rúmar 2 vikur í “Super Bowl” og eins og flestir vita að þá eru auglýsingahléin í leiknum oft þau skemmtilegustu (og jafnvel þau lengstu) sem um getur í bandarískum fjölmiðlum. Keppst er um að ná sem mestri athygli því sekúndan er líka ein sú dýrasta í þessum leik. Sem upphitun fyrir leikinn þá eru hérna nokkrar góðar og mest deildu auglýsingar “Super Bowl” allra tíma. Góða skemmtun!

Nú í lok árs er vinsælt að búa til lista yfir allt hvað eina sem þótti vont og gott árið 2011. Margir listar yfir bestu auglýsingar ársins (og þær verstu) hafa verið birtir að undanförnu og virðist krúttlega Svarthöfðaauglýsingin frá Volkswagen hafa slegið í gegn hjá flestum sem fylgjast með auglýsingabransanum. Meðal annars valdi Adweek þessa auglýsing þá bestu ársins:

Adweek listann allan má sjá með því að smell hér.

Þau hjá Adweek birta einnig stórskemmtilegan lista þar sem teknar hafa verið saman 30 fríkuðustu auglýsingar ársins 2011. Listann má sjá hér, en á honum er þessi auglýsing frá Sony Ericsson:

Auglýsing frá Google þykir þeim hjá Time.com vera sú besta á árinu. Þar er sögð saga föður sem skrifar tölvupósta til dóttur sinnar með hjálp Gmail. Voða sætt og krúttlegt. Hér á landi þætti sennilega mörgum þetta yfirþyrmandi væmið en svona fellur í kramið fyrir Westan:

Top 10 lista Time.com má sjá hér.

Ef þú hefur velt fyrir þér hvernig hægt sé að fá fólk af Youtube yfir á þína vefsíðu, þá eru hér 3 einföld og góð ráð:

1. Segðu fólki nákvæmlega hvað það á að gera í skilaboðunum þínum: Eins augljóst og þetta hljómar þá gleymist þetta oft. T.d smelltu hér til þess að fá nánari upplýsingar.

2. Þegar þú setur inn nýtt myndband á Youtube ekki gleyma að setja inn texta sem lýsir því. Flestir nýta sér þetta ekki. Einnig er mikilvægt að setja inn vefslóðina og að biðja fólk um að smella á myndbandið “call to action”

3. Þriðja leiðin er að nota svokallað “Call to action overlay” Þetta er einfaldur vefborði sem situr ofan á myndbandinu þínu. Það er mjög auðvelt að gera þetta og mun skila sér í aukinni umferð á vefsíðuna þína.

Heimild: www.socialmediaexaminer.com

Það er mikið talað um að verslun innan samfélagsmiðla sé framtíðin. En þrátt fyrir mikið tal þá hafa tækifærin ekki verið mörg. Núna lítur út fyrir að Facebook sé búið að finna út úr tæknilegum byrjunarerfiðleikum og sé farið að bjóða afsáttarmiða í auglýsingum sínum á síðunni. Þetta gæti verið mjög góð aðferð fyrir fyrirtæki að ná neytendum inní verslanir sínar og því líklega mun meira virði heldur en að fá einfaldlega bara “like” frá þeim. Við hlökkum til þess að sjá hvernig þetta á eftir að reynast hér á landi.

Heimild: http://www.simplyzesty.com

Næsta mánudag mun ný verðskrá taka gildi hjá Fréttablaðinu. Breytingin felur í sér hækkun á auglýsingaverði sem nemur 4% og er þetta í annað sinn á þessu ári sem Fréttablaðið hækkar verðskrá sína, síðast í janúar hækkaði blaðið verðskrána einnig um 4%.

Undanfarna daga hefur TM í samstarfi við Jónsson & Lemacks og Ratsjá kortlagt ástsælustu staði landsins. Þeir sem skrá sig inná astarkort.tm.is geta skilið eftir sögu um hvernig þeir kynntust ástinni sinni og merkt söguna inná réttan stað á landakorti.

Þeir sem skrá sig inn af Fésbókinni geta séð hvar vinir þeirra hittu ástina sína og lesið söguna á bak við blossann, valdar sögur eru svo sendar út sem tíst á Twitter. Þetta verkefni er unnið samhliða auglýsingaherferð TM þar sem fylgst er með þróun sambands þeirra Ásu og Bjössa, „sem hittust fyrst árið 1983 og urðu fljótt mestu mátar“.
Ástarkortið hefur slegið í gegn en hátt í eitt þúsund manns hafa nú þegar sagt ástarsögu sína og merkt hana á ástarkortið. Glögglega má sjá að sumir staðir eru ástsælari en aðrir, einnig að ástin kviknar á ólíklegustu stöðum.

Nú þegar árið er hálfnað er fróðlegt að skoða hvaða auglýsendur hafa verið mest áberandi í dagblöðum landsins fyrstu sex mánuði ársins. Sem fyrr er það Hið opinbera sem er frekast til plássins á auglýsingasíðum dagblaðanna, frá áramótum hafa opinberir aðilar keypt nálægt 50 þús. dálksentimetra undir auglýsingar í dagblöðunum fjórum. Reyndar er listi yfir stærstu auglýsendur í dagblöðum á fyrri hluta árs 2011 keimlíkur listanum yfir stærstu auglýsendurna 2010. Aðeins eitt fyrirtæki er nýtt á lista ef svo má segja; Húsasmiðjan var ekki á meðal 10 stærstu auglýsendanna í dagblöðum í fyrra skv. mælingum Capacent en er í 9. sæti það sem af er ári:

Það vekur óneitanlega athygli að Nóatún hefur ekki keypt einn einasta dálksentimetra í dagblaðinu sem flestir lesa / fletta, Fréttablaðinu, heldur hefur treyst á Fréttatímann og Morgunblaðið. Þá sést einnig að Húsasmiðjan reiðir sig nær eingöngu  á auglýsingar í Fréttablaðinu þegar dagblaðaauglýsingar eru annars vegar.

Capacent gaf út í dag nýjar niðurstöður dagblaðamælinga. Ekki eru miklar sviftingar frá síðustu mælingum, helsti munurinn er sá að DV bætir við sig lesendum og Fréttablaðið einnig lítillega. Lestrartölur fyrir Fréttatímann og Morgunblaðið lækka örlítið frá fyrri tímabilum. Hér eru niðurstöður mælinga fyrir landið allt:

Um 60% landsmanna segjast fletta Fréttablaðinu hvern dag og er það sem fyrr útbreiddasta dagblað landsins. Höfðuborgarsvæðið er vígi fríblaðanna því þeim fletta mun fleiri í Reykjavík og nágrenni en gera úti á landi eins og sést á þessum tölum:

Hægt er að skoða niðurstöður dagblaðamælinganna nánar hér.

Capacent sendi í gær frá sér niðurstöður dagblaðamælinga sem fóru fram í janúar og febrúar á þessu ári. DV og Fréttatíminn eru með í mælingunum en fram til síðustu áramóta var einungis lestur Fréttablaðsin og Morgunblaðsins mældur. Fréttablaðið er nú sem áður mest lesna dagblað landsins:

Fréttatíminn hefur skv. þessu náð yfir 40% lestri á því hálfa ári sem hann hefur komið út. Dagblaðið mælist með 12% lestur í þessari mælingu og Morgunblaðið er á svipuðum slóðum og í síðustu könnun sem var gefin út í október 2010.
Ef aldursbilið er þrengt og lesendur í hópnum 12 – 49 ára skoðaðir sést að dagblaðanotkun í þessum aldurshópi er minni en hjá þeim sem eldri eru:

Það eru ekki nýjar fréttir að dagblaðalestur er meiri hjá eldri hópum en þeim yngri. Það er líka munur á lestri blaðanna eftir búsetu:

Góð dreifing fríblaðanna, Fréttablaðsins og Fréttatímans, á Höfuðborgarsvæðinu skilar háum meðallestri. Þegar hins vegar er litið til landsbyggðarinnar þar sem dreifing fríblaðanna er ekki eins góð er myndin aðeins öðruvísi:

Lestur Fréttablaðsins á landsbyggðinni er um helmingur af því sem hann er á Höfðuborgarsvæðinu og munurinn er meiri hjá Fréttatímanum. Lestur Morgunblaðsins er minni á landsbyggðinni en á höfuðborgarsvæðinu en munurinn er ekki nærri eins mikill og hjá fríblöðunum. Það er athyglisvert að sjá að meðallestur á DV er meiri á landsbyggðinni en á Höfuðborgarsvæðinu.

Nú er nokkuð um liðið síðan Super Bowl með öllu sínu auglýsingaflóði fór fram í bandarísku sjónvarpi. Auglýsingaáhorfið var að sjálfsögðu mælt í bak og fyrir og nú liggur fyrir hvaða auglýsingar flestir sáu og hverjar virkuðu best.

Sjónvarpsáhorfendur mundu vel eftir auglýsingum Doritos því snakkframleiðandinn átti tvær af þremur eftirminnilegustu auglýsingum Super Bowl þegar spurt var að leik loknum:

En það var fleira en bara eftirtekt sem var mæld. Sú auglýsing sem flestum líkaði best við er dásamlega krúttleg auglýsing frá Volkswagen þar sem einn af aðalleikurunum er ungur Svarthöfði:

Þessi frá Bridgestone varð í öðru sæti yfir þær auglýsingar sem fólki líkaði best við:

Það voru hins vegar flestir sem sáu auglýsingu fyrir Chevrolet Chevy. Talið er að yfir 119 milljónir sjónvarpsáhorfenda hafi séð auglýsinguna sem er met í USA. Auglýsingin var sýnd í 4. leikfjórðungi Ofurskálarinnar og sló met sem Doritos setti í sama ruðningsleik í fyrra:

Annað met var slegið í auglýsingahluta Super Bowl þegar Chrysler sýndi lengstu auglýsingu sem hefur verið birt í kringum úrslitaleikinn. Í henni leikur Eminem aðalhlutverkið og er auglýsingin 120 sekúndur:

Ef marka má ofantalið eru bílar og snakk málið. Allar auglýsingarnar sem voru leiknar í Super Bowl er m.a. hægt að skða hér.